माेहरिया सेवाकेन्द्रमा सदस्य शिक्षा तालिम सम्पन्न

पोखरा रोयल साकोसको वार्षिक कार्यक्रम अनुसार संस्थाले सदस्य शिक्षा कार्यक्रम सन्चालन गर्दै आएकोमा मोहरिया सेवाकेन्द्र अन्तर्गतका आफ्ना सदस्यहरुलाई मिति २०७८ पौष २३ गते सदस्य शिक्षा तालिम प्रदान गरेको छ । संस्थाका सञ्चालक समितिका अध्यक्ष रुद्रकुमारी गुरुङ्गको अध्यक्षतामा सम्पन्न भएको उक्त कार्यक्रममा संस्थाका कोषाध्यक्ष तथा शिक्षा उपसमिति संयोजक गीर बहादुर श्रेष्ठ, सन्चलाक समिति सदस्य तथा महिला उपसमिति संयोजक कृष्ण ढकाल,  सन्चलाक समिति सदस्य तथा मोहरिया सेवाकेन्द्र व्यवस्थापन उपसमिति स‌ंयोजक उमा परियार,  मोहरिया सेवाकेन्द्र व्यवस्थापन उपसमिति सदस्य सरिता अधिकारी लामिछाने, शिक्षा उपसमिति सदस्य विष्णुहरी ढकालको उपस्थिति रहेको थियो । सन्चालक समिति सदस्य उमा परियारले स्वागत मन्तव्य दिनुभएको उक्त कार्यक्रमको सन्चालन मोहरिया सेवाकेन्द्र व्यवस्थापन उपसमिति सदस्य पुर्णिमा अधिकारीले गर्नुभएको थियो । मोहरिया सेवाकेन्द्र अन्तर्गतका ११६ जना सदस्यको उपस्थिति रहेको तालिम कार्यक्रममा मोहरिया सेवा केन्द्र प्रमुख परमेश्वर दाहालले संस्थाको विभिन्न  गतिविधि सहितको जानकारीमुलक प्रशिक्षण र सुपरिवेक्षक अविनाश पौडेलले डिजिटल सेवाहरुबारे सहजिकरण गर्नुभएको थियो ।